«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңына сәйкес 2025 жылдың 2 қараша күні Азғыр және Сүйіндік ауылдық округ әкімдерінің сайлауы өткен болатын, деп хабарлайды AtyrauTODAY тілшісі.
Құрманғазы аудандық аумақтық сайлау комиссиясының 2025 жылғы 5 қарашадағы №19 шешімі негізінде, аудан әкімінің өкімімен 2025 жылдың 7 қарашасынан бастап, Гумаров Арон Қисметұлы Азғыр ауылдық округінің әкімі лауазымына тағайындалды.
Аудан әкімдігінің баспасөз қызметінен білгеніміздей, Арон Қисметұлы 1986 жылы 1 сәуірде Атырау облысы Құрманғазы ауданы Балқұдық ауылында дүниеге келген. Ұлты қазақ. Білімі–жоғары. 2003 – 2007 жылдары Орал қаласындағы Батыс Қазақстан тілдер және басқару «Евразия» институтын «мемлекеттік және жергілікті басқару» мамандығыбойынша бітірген. Азғыр ауылдық округінің тұрғыны.
Алғашқы еңбек жолын 2007 жылы осы Азғыр ауылдық округ әкімі аппаратында бас маман болып бастап, осы мемлекеттік органда аталған лауазымда 18 жыл үздіксіз қызмет етіп келеді.
Амандық АБДОЛ
