Облыстық инфекциялық ауруханада қазір 188 бала ем қабылдауда, деп хабарлайды AtyrauTODAY тілшісі.
Бұл ақпаратты редакциямызға облыстық денсаулық сақтау басқармасы ұсынды. Олардың арасында 65 бала – ішек инфекциясымен, 123 бала – жоғарғы тыныс жолдарының инфекциялары және пневмониямен жатыр.
Өңірдегі барлық емханалар мен медициналық ұйымдар күшейтілген жұмыс тәртібіне көшірілді. Фильтр-кабинеттердің жұмысы күшейтіліп, дәрігерлер демалыс күндері де науқастарды қабылдап жатыр. Қажеттілік туындаған жағдайда қосымша резервтік төсектер ашылады.
Амандық САҒЫНТАЙҰЛЫ
