Атырау қаласының әкімдігі тұрғындарды жүгіру фестивалі туралы фейк ақпаратқа сенбеуге шақырады, деп хабарлайды AtyrauTODAY тілшісі.
Атырау қаласының әкімдігі 15 қазан күні өтеді деп әлеуметтік желілерде тараған «жүгіру фестивалі» туралы ақпараттың шындыққа сәйкес келмейтінін хабарлайды. Аталған іс-шараны ұйымдастырушылар ҚР қолданыстағы заңнамасына сәйкес қоғамдық орындарда бұқаралық іс-шара өткізуге жергілікті атқарушы органдардан рұқсат алмаған.
Сонымен қатар, жарнамаларда қатысу ақысы – 5000 теңге деп көрсетілген, бұл азаматтарды шатастыруы мүмкін.
Атырау облысы әкімдігі қала тұрғындарын сақ болуға, бейтаныс тұлғаларға ақша аудармауға және тек ресми дереккөздерге сенуге шақырады. Рұқсат етілген іс-шаралар туралы ақпарат әкімдіктің ресми арналары арқылы қосымша хабарланатын болады.
Амандық САҒЫНТАЙҰЛЫ
