Атырауда ойын алаңында күтпеген оқиға орын алды... (+ВИДЕО)

Атырауда ер адам ойын алаңында жасөспірімді ұрып-соқты, деп хабарлайды AtyrauTODAY тілшісі.

Атырауда ауладағы ойын алаңында 9 жастағы балаға шабуыл жасаған оқиға бойынша қылмыстық іс қозғалды.

Атырау облыстық полиция департаментінің мәліметінше, қазір жедел-іздестіру шаралары жүргізіліп жатыр: бейнебақылау камераларының жазбалары тексерілуде, куәгерлерден жауап алынуда, күдіктінің жеке басы мен жүрген жері анықталуда.

Жәбірленуші жасөспірім жеңіл дене жарақатын алған. Оған медициналық және психологиялық көмек көрсетілуде.
Тергеу мүддесіне байланысты өзге ақпарат жария етілмейді.

Сәуле МАҒАУ