2025 жылдың қазан айында қазақстандықтар жұмыс қарбаласынан біраз тынығып, ұзақ демалыс күндерінен ләззат ала алады. Бұған себеп — жыл сайын 25 қазанда аталып өтетін Республика күні, деп хабарлайды Atyrau Today.
Биыл бұл мереке сенбі күніне сәйкес келеді. Осыған байланысты, ҚР Еңбек кодексіне сәйкес, қосымша демалыс күні дүйсенбіге – 27 қазанға ауыстырылады. Осылайша, бес күндік жұмыс аптасы бар азаматтар 25–27 қазан аралығында қатарынан үш күн демалады.
Демалыс күндері былайша белгіленген:
-
Бес күндік жұмыс аптасы: 25, 26 және 27 қазан – үш күн қатарынан демалыс.
-
Алты күндік жұмыс аптасы: 25 және 26 қазан – демалыс, 27 қазан – жұмыс күні.
Осылайша, қазан айында бес күн жұмыс істейтіндер 9 демалыс күніне, ал алты күндік кестемен жұмыс істейтіндер 8 демалыс күніне ие болады.
Бұл – қараша айының алдындағы тынығуға, отбасымен уақыт өткізуге немесе шағын саяхат жасауға тамаша мүмкіндік.
Сәуле МАҒАУ
Фото: автор
