Атырау ауданында Талдыкөл ауылында ұзындығы 6 шақырымнан асатын жол және заманауи көпірдің құрылысы басталды. Жаңа нысан 2024 жылғы тасқын кезінде ауыл тұрғындары бір айға сыртқы әлемнен оқшауланған проблеманы түбегейлі шешуге уәде береді. Жұмыстар 2025 жылдың желтоқсан айының соңына дейін аяқталуы жоспарланған, деп хабарлайды Atyrau Today.
54 метрлік бетон көпірдің құрылысы қарқын алды: аумақ тазартылды, іргетасы қаланды, жол құрылысшылары заманауи технологияларды пайдаланып жұмыс жүргізуде. Жол учаскесінің басшысы Арғын Айтқалиевтің айтуынша:
«Екі жағында бетон матрицасы болады, үстіне щебень төселеді. Содан кейін 21 см қалыңдықта негіздің қабаты суық бетон әдісімен құйылады, 16 см тегістегіш қабат пен 12 см асфальт салынады».
Жобаны өткен жылғы төтенше жағдайды ескере отырып қайта қарастырылды: су өткізгіш құбырлардың саны көбейтілді, жолдың бұзылуы болмауы үшін. Сонымен қатар 6 шақырымдық жол бойында 27 су өткізгіш және 2 мал өткізгіш құрылыстар салынуда.
2025 жылы Атырау облысында жалпы құны 58 млрд теңгені құрайтын 250 шақырым жол жөнделеді, оның ішінде тасқын кезінде зардап шеккен Махамбет және Индер аудандарының жолдары бар. 2026 жылы «Атырау-Доссор» жолының 86 шақырымы және облысаралық «Атырау-Орал» жолының 516 шақырымы жөнделетін болады.
Сәуле МАҒАУ
