Жылыой аудандық ауруханасында тарихи оқиға орын алды, деп хабарлайды AtyrauTODAY тілшісі.
Дәрігерлер алғаш рет бел омыртқасының компрессиялық сынуы бар науқасқа күрделі транспедикулярлық фиксация операциясын сәтті жасады. Бұл — аудандық медицина үшін үлкен жетістік: енді күрделі нейрохирургиялық оталарды облыс орталықтарына жолдамай-ақ, жергілікті жерде орындауға мүмкіндік туды.
Ота барысында мамандар омыртқаның зақымданған аймағын бекітіп, оның тұрақтылығын толық қалпына келтірді. Мұндай операция жоғары кәсіби шеберлікті және заманауи технологияларды меңгеруді талап етеді — ал Жылыой аудандық дәрігерлері өз біліктілігін лайықты деңгейде көрсетті.
Енді аудан тұрғындары жүздеген шақырым жүрмей-ақ, өз өңірінде жоғары білікті нейрохирургиялық көмек ала алады.
