Яна Легкодимованың өліміне қатысты іс бойынша өткен кезекті сот отырысында прокурорлар айыпталушылар Ризван Хайыржанов пен оның сыбайласы Катимовқа өмір бойына бас бостандығынан айыру жазасын тағайындауды сұрады, деп хабарлайды AtyrauTODAY тілшісі.
Айыптау қорытындысына сәйкес, Хайыржанов ерекше қатыгездікпен және өзге де ауырлататын мән-жайларда адам өлтіргені, сондай-ақ ауыр зардаптарға әкелген мүлікті қасақана жойғаны үшін кінәлі деп танылған. Ал Катимов — алдын ала сөз байласу арқылы адам өлтіруге қатысқаны үшін айыпталып отыр.
Прокурорлар жаза шарасын келесідей ұсынды:
• Хайыржановқа — адам өлтіргені үшін өмір бойына бас бостандығынан айыру, сондай-ақ мүлікті қасақана жойғаны үшін 6 жыл бас бостандығынан айыру және бұл жазаларды ішінара қосу арқылы түпкілікті жаза ретінде өмір бойына бас бостандығынан айыруды белгілеу;
• Катимовқа — қылмысқа сыбайлас ретінде осындай жаза түрін тағайындау.
Аталған жазаға қатысты сот шешімі келесі отырыстарда жариялануы күтіледі.
Лия НҰРТАЙ
