Мұндай мәліметтерді Атырау облыстық полиция департаменті жариялады, деп хабарлайды AtyrauTODAY тілшісі.
Өткен жылмен салыстырғанда жасөспірімдер қылмысы өсіп отыр. Алайда 11 айдың қорытындысы бойынша кәмелетке толмағандарға қарсы жасалған қылмыстар 13,7%-ға, ал жыныстық сипаттағы заңсыз әрекеттер 25,6%-ға азайған.
Облыста:
• мектепішілік есепте — 235 оқушы,
• полицейлік есепте — 187 бала,
• шамамен 200 ата-ана бала тәрбиесімен айналыспайтындар ретінде бақылауға алынған.
Білім беру бөлімінің басшысы Дулат Хамзиннің айтуынша, өңірдегі 227 мектепте ата-аналарды қолдауға арналған педагогикалық орталықтар құрылған. 768 ата-аналар жиналысы өткізіліп, шамамен 70 мың адам қамтылды.
Құқықбұзушылықтардың басым бөлігі сабақтан кейін жасалатындықтан, ата-аналар тарапынан тәрбиеге көбірек көңіл бөлу маңызды. Ал қоғам үшін — балалардың қауіпсіздігі жолында бірлесіп жұмыс істеу басты міндет.
