Бұған дейін 1966 жылы пайдалануға берілген Мақат және Доссор кенттеріндегі теміржол вокзалдарының тозығы жетіп, жолаушыларға түрлі қиындықтар тудырғаны белгілі, деп хабарлайды AtyrauTODAY тілшісі.
Осы ретте, Мақат кентіндегі теміржол вокзалына күрделі жөндеу жұмыстары, Доссор кентіне жаңа теміржол вокзалының құрылыс жұмыстары басталған болатын.
Құрылыс жұмыстарының қарқынын білу мақсатында бүгін аудан әкімі Азамат Мәмбетов Доссор кентіндегі вокзал құрылысына барып, жай-күйін тексерді.
Аудан басшысы жауаптыларға құрылыстың сапасына назар аударып, нысанды уақытылы аяқтауды тапсырды.
Бұл жұмыстар жолаушылар мен тұрғындарға қолайлы жағдай жасап, кенттің инфрақұрылымын жақсартуға оң әсерін тигізбек.
Аман ШАМАР
