Атыраулық спортшы, Вестерн раннерс жүгіру клубының қалаушысы, бапкер Еркебұлан Аташев Азия чемпионатында жүлдегер атанды, деп хабарлайды AtyrauTODAY тілшісі.
Үндістанда өткен жеңіл атлетикадан 23-ші Азия чемпионатында атыраулық спортшы Еркебұлан Аташев екі бірдей қашықтықта жүлделі орын иеленді. 1500 метр қашықтықта – екінші орын, нәтижесі – 4:14.32 секунд, 800 метр қашықтықта – үшінші орын, нәтижесі – 2:07.87 секунд.
Бұл жетістік – спортшының табандылығы мен еңбегінің жемісі. Еркебұлан Азия құрлығының үздік желаяқтарымен сынға түсіп, ел намысын абыроймен қорғады.
Амандық САҒЫНТАЙҰЛЫ
