Тәжірибелі қазақстандық маман Владимир Чебурин футболдағы мансабын Қарағандыда бастап, жергілікті «Шахтёр» клубында ойыншы ретінде өнер көрсеткен, деп хабарлайды AtyrauTODAY тілшісі.
2009 жылы ол қарағандылық «Шахтёр» клубын Қазақстан чемпионатының қола жүлдесіне жеткізіп, сондай-ақ команданы Қазақстан кубогының финалына шығарды. Сонымен қатар Владимир Чебурин «Оқжетпес» клубының Премьер-лигаға қайта оралуына көмектесті.
Халықаралық аренада да ол елеулі жетістіктерге қол жеткізді. Литваның «Судува» клубымен бірге үш рет ел чемпионы атанды. Команда еурокубок жарыстарында сәтті өнер көрсетіп, УЕФА турнирлерінің плей-офф кезеңіне дейін жетті.
Кейін «Жальгирис» клубымен тағы үш мәрте Литва чемпионатын жеңіп алып, екі рет Литва кубогының иегері атанды. Сондай-ақ Владимир Чебурин Литвада үш рет «Жылдың үздік бапкері» атанды.
