Жылыой ауданында түнде ірі дала өрті сөндірілді, деп хабарлайды AtyrauTODAY тілшісі.
13 мамыр күні сағат 22:12-де Жылыой ауданының Жаңа Қаратон кентінде, Ембі ауылдық округіне қарасты елді мекен аумағында ашық жерде 4 гектар аумақта құрғақ шөп жанған.
Оқиға орнында Төтенше жағдайлар департаменті мен жергілікті атқарушы орган қызметкерлері өртті сөндіру жұмыстарын жүргізді. Жалпы 9 адам мен 2 техника жұмылдырылды.
Сағат 00:22-де өрт толықтай сөндірілді.
Зардап шеккендер жоқ.
