Жылыой ауданында адам қалдықтары ескі қорым аумағында шашылып жатыр, деп хабарлайды AtyrauTODAY тілшісі.
Атырау облысы Жылыой ауданына қарасты Ескі Қаратон аумағында адам сүйектері табылды. Әлеуметтік желілерде тараған бейне авторының айтуынша, сүйектер «көшпелі» құмдардың әсерінен жер бетіне шығып қалған.
Айта кету керек, бұл ескі зират аумағы, ол вахталық кентке жақын орналасқан. Алдын ала мәліметтерге сәйкес, жерлеу орындары шамамен ХХ ғасырдың басына жатады — құлпытастарда көне элементтер мен араб жазулары сақталған.
Ресми органдар бұл жағдайға қатысты әзірге түсініктеме берген жоқ.
