Атырауда полиция қызметкері қызметтік міндетін атқару барысында жоғалып кеткен кішкентай қызды жедел іздеп тауып, ата-анасына аман-есен тапсырды, деп хабарлайды AtyrauTODAY тілшісі.
Бала жоғалғаны туралы хабарлама 25 шілде күні сағат 00:30 шамасында түскен. Бағдарлама алған полицей бірден іздеу жұмыстарына кіріскен. Жедел әрі үйлесімді әрекеттің нәтижесінде қыз бала қысқа уақыт ішінде аман-есен табылды. Кейін ол ата-анасына тапсырылды.
Полиция департаментінде балалардың қауіпсіздігі ең алдымен ересектердің қырағылығы мен жауапкершілігіне байланысты екенін еске салды. Тәртіп сақшылары ата-аналарды балаларын қараусыз қалдырмауға, олардың қайда жүргенін үнемі бақылап отыруға және қауіпсіздік ережелерін тұрақты түрде түсіндіріп отыруға шақырды.
«Тіпті аз ғана сақтықтың өзі үлкен қауіптің алдын алуы мүмкін», – деп атап өтті полиция қызметкерлері.
