Жылыой ауданында «Жылыой Тазалық» кәсіпорнының материалдық-техникалық базасы жаңартылды. Кәсіпорынға қоқыс шығаруға арналған 9 жаңа арнайы автокөлік берілді. Бұл туралы AtyrauTODAY тілшісі хабарлады.
Арнайы техника «Таза Қазақстан» бағдарламасы аясында «Жасыл Даму» АҚ, «Өнеркәсіпті дамыту қоры» АҚ және Атырау облысының табиғи ресурстар және табиғат пайдалануды реттеу басқармасының қолдауымен сатып алынды. Қаржыландыру лизинг және несиелеу тетіктері арқылы жүзеге асырылды.
Жаңа техникалар елді мекендерді абаттандыру және санитарлық тазалау жұмыстарын күшейтуге, аумақтардың санитарлық жағдайын жақсартуға және коммуналдық қызметтердің сапасын арттыруға мүмкіндік береді.
