Қызылқоға ауданы прокуратурасымен еңбек заңнамасының сақталуын талдау барысында аудандық аурухана қызметінде заң бұзушылықтар анықталды, деп хабарлайды AtyrauTODAY тілшісі.
Заң талаптарына қарамастан, 2025 жылдан мекемемен қызметкерлердің өмірі мен денсаулығын міндетті сақтандыру қамтамасыз етілмеген. Нәтижесінде 520 медицина қызметкерлері жұмыстарын тиісті сақтандыру қорғауынсыз жүзеге асырып келген. Қызылқоға ауданының прокуратурасынан білгеніміздей, сақтандырудың жоқ болуы өндірістік жарақат немесе басқа төтенше жағдай орын алған кезде жұмысшыларды заңнамамен көзделген өтемақы төлемдерінен және әлеуметтік кепілдіктерден айыру тәуекелін тудырады.
Прокурорлық қадағалау актісімен медқызметкерлердің еңбек және конституциялық құқықтары қалпына келтірілді.
Фото: ru.freepik.com
