Қазіргі қоғамда жоғары білім беру жүйесінің басты мақсаты тек теориялық білім беріп қана қоймай, кәсіби тұрғыда қалыптасқан, жауапкершілігі жоғары тұлға тәрбиелеу, деп хабарлайды AtyrauTODAY тілшісі.
Осы міндетті жүзеге асыруда әл-Фараби атындағы Қазақ ұлттық университеті ерекше орын алады. Университет қабырғасында білім алған түлектер бүгінде ел дамуына өз үлесін қосып жүрген білікті мамандар ретінде қалыптасып отыр.Білім ордасында қалыптасқан оқу жүйесі студенттердің жан жақты дамуына бағытталған. ҚазҰУ базасында білім алушылар терең теориялық біліммен қатар, тәжірибелік дағдыларды меңгереді. Мұндай үйлесімділік түлектердің еңбек нарығында сұранысқа ие болуына мүмкіндік береді. Университетті тәмамдаған жастар әртүрлі салада табысты еңбек етіп, өз кәсібінде жоғары нәтижелерге қол жеткізуде.Түлектердің кәсіби қалыптасуына оқу процесіндегі тәжірибелік жұмыстардың маңызы зор. Студенттер оқу барысында түрлі өндірістік тәжірибеден өтіп, нақты жұмыс ортасымен танысады. Аталған жұмыстар олардың болашақ мамандығына бейімделуін жеңілдетіп, еңбек жолын сенімді бастауына негіз қалайды.
Қара шаңырақ түлектері мемлекеттік қызмет, құқық қорғау жүйесі, білім беру, ғылым, бизнес және халықаралық ұйымдарда өз орнын табуда. Олар елдің әлеуметтік және экономикалық дамуына үлес қосып, қоғамдағы тұрақтылық пен заңдылықты нығайтуға қызмет етіп келеді. Әсіресе, құқық саласында білім алған мамандар әділдік қағидаттарын жүзеге асыруда маңызды рөл атқарады.Университетте қалыптасқан білім беру ортасы түлектердің тұлғалық дамуына да ықпал етеді. Білім алушылар жауапкершілік, адалдық және кәсіби этика қағидаттарын бойына сіңіреді. Бұл қасиеттер олардың болашақ қызметінде маңызды рөл атқарып, сенімді маман ретінде танылуына ықпал етеді.Халықаралық деңгейде де университет түлектерінің жетістіктері байқалады. Көптеген жас мамандар шетелдік ұйымдарда жұмыс істеп, жаһандық жобаларға қатысуда. Ғылым саласында да түлектер белсенділік танытып келеді. Жас зерттеушілер ғылыми жобаларды жүзеге асырып, жаңа идеялар ұсынуда. Университет пен түлектер арасындағы байланыс үздіксіз сақталады. Білім орнын тәмамдаған мамандар оқу орнының өміріне белсенді қатысып, студенттермен тәжірибе алмасады.
Мұндай сабақтастық білім беру сапасының одан әрі жетілуіне әсер етеді.
әл-Фараби атындағы Қазақ ұлттық университетінің түлектері қоғамның әр саласында табысты еңбек етіп, ел дамуына үлес қосып жүрген білікті мамандар ретінде қалыптасқан. ҚазҰУ тәжірибесі көрсеткендей, сапалы білім мен тәжірибенің үйлесімі кәсіби жетістіктің негізін құрайды. Университет қабырғасында қалыптасқан құндылықтар түлектердің өмірлік жолында берік бағдар болып қала береді.
Турсынкулова Динара Ахановна,
Әл-Фараби атындағы ҚазҰУ-дың Заң факультетінің Мемлекет және құқық теориясы мен тарихы, конституциялық және әкімшілік құқық кафедрасының ассистент профессоры, заң ғылымдарының кандидаты
Жусупова Аида,
Заң факультетінің 1 курс магистранты
