Денсаулық сақтау вице-министрі Тимур Мұратов Атырауда алты жаңа медициналық нысанның құрылысын тексерді, деп хабарлайды AtyrauTODAY тілшісі.
2026 жылдың соңына дейін өңірде пайдалануға беру жоспарлануда:
Жаңа онкологиялық диспансер;
Радиологиялық корпус;
Екі қалалық емхана (әрқайсысы ауысымына 250 науқасқа дейін қабылдайды);
Жедел жәрдемнің екі шағын станциясы (жылына 50 мыңға дейін шақыртуға қызмет көрсетеді, әрқайсысында 20–24 бригада болады).
Сонымен қатар облыстық және аудандық ауруханаларды қайта жаңғырту жұмыстары жалғасуда. Барлық жобалардың мақсаты — Атырау тұрғындары үшін медициналық көмектің қолжетімділігін арттыру.
