Атырауда қаланың сәулеттік келбетін жақсарту және тұрғын үй қорын жаңарту бағдарламасы аясында тағы төрт көппәтерлі тұрғын үйді жаңғырту жоспарланып отыр, деп хабарлайды AtyrauTODAY тілшісі.
Ғимараттарда қасбеттері мен шатырларын жаңарту, сондай-ақ терезе және есік конструкцияларын ауыстыру бойынша кешенді жұмыстар жүргізіледі. Негізгі мақсат — қала тұрғындарының өмір сүру сапасы мен жайлылығын арттыру, сондай-ақ тұрғын үйлерді заманауи бірыңғай келбетке келтіру.
Жоба кезең-кезеңімен жүзеге асырылады, жұмыстар қалалық тиісті қызметтердің бақылауында. Жаңғырту жұмыстары белгіленген мерзімде аяқталады деп жоспарлануда.
