Осыдан екі жыл бұрын Шаттық Хами мен Айым Жанкелді Pinduoduo платформасынан лотос тұқымдарын тапсырыс беріп, оларды үй жағдайында өсіруге тырысқан, деп хабарлайды AtyrauTODAY тілшісі.
Алайда тәжірибе сәтсіз аяқталып, қыздар қалған тұқымдарды Жайық өзенінің атырауындағы су айдынына тастап кеткен. Бір жылдан кейін алғашқы жапырақтар пайда болып, ал биыл жазда лотостар гүлдеген.
Нәтижесінде бірнеше тұқымнан көлемі шамамен футбол алаңындай лотос алқабы қалыптасқан.
«Біз тек отырғыздық. Ал әрі қарай өздері өсіп кетті», — дейді қыздар.
Бұл оқиға әлеуметтік желілерде кең тарап, қолданушылар жаңа пайда болған жерді «Шаттық-Айым» деп атауды ұсынды.
