Өңірде денсаулық сақтау саласындағы кадр мәселесін шешу жұмыстары жалғасуда. Соңғы екі жылда дәрігерлер тапшылығы 201 маманнан 90 маманға дейін азайды, деп хабарлайды AtyrauTODAY тілшісі.
Егер 2023 жылы облыста 1 675 дәрігер жұмыс істесе, 2025 жылы олардың саны 1 775-ке жетті.
Өткен жылы өңірге 185 дәрігер келді:
108-і қалалық медициналық ұйымдарға орналасса, қалғаны аудандарға барды.
Орта буын медицина қызметкерлерінің саны да 5 261-ден 5 634 адамға дейін артты.
Қолдау шаралары күшейтілді:
170 дәрігерге көтерме ақы төленді.
2023 жылдан бастап төлем мөлшері ұлғайтылды — қалаға келгендерге 3 млн теңге, ал аудандарға жұмысқа барғандарға 5 млн теңге беріледі.
Мамандарды тартумен қатар, өңірде кадр даярлауға да басымдық берілуде. Өткен жылы 111 студент грант иегері атанса, биыл олардың саны 115-ке жетті (88 — бакалавриат, 27 — резидентура).
