С.Өтебаев атындағы Атырау мұнай және газ университеті студенттері Edu Data Insight атты платформаны жасап шығарды. Бұл жүйе бір семестрдің ішінде студенттердің орташа академиялық үлгерімін 12%-ға арттырды.
Платформа түрлі деректерді жинап, талдайды:
-
бағалар
-
сабаққа қатысу
-
тест нәтижелері
-
LMS жүйесіндегі ақпарат
Ең бастысы — ол тек көрсеткіштерді тіркеп қана қоймай, болашақтағы нәтижелерді болжайды. Жүйе семестрдің ортасында-ақ студенттің үлгерімін 89% дәлдікпен болжай алады.
AI HUB жетекшісі Ақмарал Әбдіғалиева айтуынша, бұл жүйе студенттерге:
-
үлгерімінің толық көрінісін көруге
-
шамадан тыс жүктемені анықтауға
-
жеке цифрлық ментор сияқты ұсыныстар алуға көмектеседі
Edu Data Insight жобасы — «ақылды университет» моделіне жасалған қадам. Мұнда шешімдер деректерге сүйене отырып қабылданады, ал оқу процесі барынша тиімді болады.