Атырау қаласының әкімі Шәкір Кейкин, қолда бар ақпаратқа сәйкес, өз еркімен қызметінен кеткен. Бұл туралы AtyrauTODAY тілшісі хабарлайды.
Шәкір Кейкин қала әкімдігін 2023 жылдың 10 шілдесінен бастап басқарды. Оның кандидатурасы Қазақстан Республикасы Президенті Әкімшілігімен келісіліп, кейін Атырау облысының әкімі Серік Шәпкеновтің өкімімен Атырау қаласының әкімі қызметіне тағайындалған болатын.
Қазіргі таңда Шәкір Кейкиннің қызметтен кеткені туралы ресми ақпарат жарияланған жоқ. Оның қандай себеппен қызметтен кеткені де әзірге нақтыланбаған.
Сондай-ақ Атырау қаласының жаңа әкімі кім болатыны әзірге белгісіз. Қала басшылығына жаңа кандидаттың тағайындалуы туралы ресми ақпарат кейінірек жариялануы мүмкін.
